சமீபகாலமாக அதிரை நகரின் பல்வேறு பகுதிகளிலும் உள்ள அரசுப் பள்ளிகள் அருகே குறிப்பிட்ட ஒரு வகை போதைப்பொருள் படு ஜோராக விற்பனையாகிவருகிறது. 12 ரூபாய்க்கு கிடைக்கும் புகையிலையைக் கொண்டு தயாரிக்கப்பட்டுள்ள அந்தப் பொருளின் பெயர் ‘கூல் லிப்’ (‘Cool Lip’)
கடந்த நோன்பு காலங்களில் ஊரில் சுற்றித்திரிந்த சுமார் 16வயதுக்கு உட்பட்டவர்களை வீட்டிற்கு விரட்டும் பணியை சில சமூக ஆர்வலர்கள் மேற்கொண்டனர் அவர்களில் சந்தேகத்திற்கு இடமளிக்கும் இளைஞர்களை சோதனை செய்ததில் அவர்களின் வாயில் கூல்லிப் எனும் போதை தரும் பஞ்சை வாயில் அதக்கி வைத்திருந்ததை கண்டு வேதனைத்தான் மிஞ்சியது என்கிறார் ஊரில் உணவுகடை நடத்தும் சுல்தான் என்பவர்.
இந்த பொருள் குறைந்த விலையில் கிடைப்பதால் அதிரை மட்டுமின்றி அனைத்து ஊர்களிலும் மாணவர்கள் எளிதாக வாங்கி உபயோகிக்கும் நிலை உள்ளது என்கிறார் பெயர் சொல்ல விரும்பாத அரசு ஆசிரியை .
மேலும் அவர் கூறுகையில் வகுப்பறையிலும் கூட இதை சில மாணவர்கள் பயன்படுத்துவதாக அவர் வருத்தம் தெரிவித்தார்.