தமிழகத்தின் அரசியல் கட்சிகள் குறித்து தேர்தல் ஆணையம் அறிவிப்பு வெளியிட்டுள்ளது. நாடு முழுவதும் பல்வேறு அரசியல் கட்சிகள் உள்ளன. இவை தேர்தலில் போட்டியிட பதிவு செய்து, தேர்தல் ஆணையத்தில் அங்கீகாரம் பெற்றிருக்க வேண்டும். அவ்வாறு அங்கீகாரம் பெற சில விதிமுறைகளை பூர்த்திசெய்தாக வேண்டும். இந்நிலையில் பதிவு செய்து, அங்கீகாரம் பெற்ற அரசியல் கட்சிகள் குறித்து தேர்தல் ஆணையம் அறிவிப்பு வெளியிட்டுள்ளது . அதன்படி, 56 தேசிய கட்சிகள் மற்றும் மாநில கட்சிகள் உள்ளிட்ட மொத்தம் 1,866 கட்சிகள் பதிவு செய்துள்ளன. 🏛தமிழகத்தைப் பொறுத்தவரை அதிமுக, திமுக, பாமக, தமிழ் மாநில காங்கிரஸ், மதிமுக, விடுதலை சிறுத்தைகள் என 154 கட்சிகள் பதிவு செய்துள்ளன🙄. ஆனால் அதிமுக, திமுக, தேமுதிக ஆகிய 3 கட்சிகள் மட்டுமே அங்கீகாரம் பெற்றுள்ளதாக தேர்தல் ஆணையம் தெரிவித்துள்ளது. இவ்வாறு முறையாக அங்கீகாரம் பெறாத கட்சிகள், சொந்த சின்னத்தில் தேர்தலில் போட்டியிட முடியாது. தேர்தல் ஆணையம் ஒதுக்கும் சின்னங்களில் ஒன்றைப் பெற்று மட்டுமே, தேர்தலில் போட்டியிட முடியும் என்பது குறிப்பிடத்தக்கது.