தேர்தல் தொடர்பாக பேட்டி அளிக்க அரசியல் தலைவர்களுக்கு தடை!

82 0

பிரச்சாரம் ஓய்ந்ததும், அரசியல் தலைவர்கள் தேர்தல் தொடர்பாக பேட்டி அளிக்க தேர்தல் ஆணையம் தடை விதித்துள்ளது. 

கடந்த சில வாரங்களாக கோடைவெயிலை மிஞ்சும் அளவிற்கு அனல் பறந்த நாடாளுமன்றத் தேர்தல் பிரச்சாரம் இன்றுடன் ஓய்கிறது. இறுதி நாளான இன்று முதலமைச்சர் எடப்பாடி பழனிசாமி, திமுக தலைவர் மு.க.ஸ்டாலின் உள்ளிட்ட தலைவர்கள் இறுதிக்கட்ட பிரச்சாரத்தில் ஈடுபட உள்ளனர். இந்நிலையில், பிரச்சாரம் ஓய்ந்ததும், அரசியல் தலைவர்கள் தேர்தல் தொடர்பாக பேட்டி அளிக்க தேர்தல் ஆணையம் தடை விதித்துள்ளது.

இது தொடர்பாக தேர்தல் ஆணைய செயலாளர் என்.டி.பூட்டியா வெளியிட்டுள்ள அறிக்கையில், மக்களவைக்கான 2ம் கட்டத் தேர்தல் பிரச்சாரம் இன்று மாலை 6 மணிக்கு முடிவடைய உள்ளதால், அதன் பிறகு அரசியல் தலைவர்கள், நட்சத்திர பேச்சாளர்கள் யாரும் தேர்தல் தொடர்பாக பேட்டி அளிக்கக் கூடாது என தெரிவிக்கப்பட்டுள்ளது. 6 மணிக்குத் தேர்தல் பிரச்சாரம் முடிவடைந்த பிறகு தேர்தல் தொடர்பாக பேசுவது பிரச்சாரம் மேற்கொள்வதற்கு ஈடானதாக கருதப்படும் என்பதால், இத்தகைய அறிவிப்பை தேர்தல் ஆணையம் வெளியிட்டுள்ளது.

Your reaction

NICE
SAD
FUNNY
OMG
WTF
WOW

Leave a comment

Your email address will not be published. Required fields are marked *

error: Sorry dude you can\'t copy - Gulfglitz ;)
%d bloggers like this: