திமுக கூட்டணியில் முஸ்லீம் லீக், மமக-விற்கு தொகுதிகள் ஒதுக்கீடு !

472 0


தமிழக சட்டமன்ற தேர்தல் ஏப்ரல் 6ம் தேதி நடைபெற உள்ள நிலையில், அரசியல் கட்சிகள் கூட்டணி பேச்சுவார்த்தை மற்றும் தொகுதி பங்கீடு உள்ளிட்ட விஷயங்களில் முழு மூச்சில் இறங்கி உள்ளன.

தமிழகத்தில் திமுக தலைமையிலான மதச்சார்பற்ற முற்போக்கு கூட்டணியில் காங்கிரஸ், இந்திய கம்யூனிஸ்ட், மார்க்சிஸ்ட் கம்யூனிஸ்ட், விடுதலை சிறுத்தைகள், மதிமுக, மமக, முஸ்லீம் லீக், கொங்குநாடு மக்கள் தேசிய கட்சி, தமிழக வாழ்வுரிமை கட்சி உள்ளிட்ட கட்சிகள் இடம்பெற்றுள்ளன.

இந்நிலையில் மமக மற்றும் இந்தியன் யூனியன் முஸ்லிம் லீக் கட்சிகளுடனான தொகுதி ஒதுக்கீடு பேச்சுவார்த்தை கடந்த இரு தினங்களாக சென்னை அண்ணா அறிவாலயத்தில் நடைபெற்றது. அதனடிப்படையில் வரும் சட்டமன்ற தேர்தலில் திமுக கூட்டணியில் இந்தியன் யூனியன் முஸ்லீம் லீக் கட்சிக்கு 3 தொகுதிகளும், மனிதநேய மக்கள் கட்சிக்கு 2 தொகுதிகளும் ஒதுக்கீடு செய்யப்பட்டுள்ளதாக அந்த கட்சிகளின் நிர்வாகிகள் அறிவித்துள்ளனர்.

இதற்கான ஒப்பந்தத்தில் திமுக தலைவர் மு.க. ஸ்டாலின் முன்னிலையில் இரு கட்சித்தலைவர்களும் கையெழுதிட்டனர். மேலும் இந்தியன் யூனியன் முஸ்லிம் லீக் கட்சி 3 தொகுதிகளிலும் ஏணி சின்னத்தில் போட்டியிடும் என்றும், மமக எந்த சின்னத்தில் போட்டியிடும் என்பது ஓரிரு நாட்களில் அறிவிக்கப்படும் என்றும் அறிவித்துள்ளனர்.



Your reaction

NICE
SAD
FUNNY
OMG
WTF
WOW

Leave a comment

Your email address will not be published. Required fields are marked *

error: Sorry dude you can\'t copy - Gulfglitz ;)
%d bloggers like this: