Thursday, March 28, 2024

கேரளா உள்ளாட்சி தேர்தலில் இடதுசாரி கூட்டணி அமோக வெற்றி – பாஜகவுக்கு படுதோல்வி !

Share post:

Date:

- Advertisement -

கேரளாவில் மூன்று கட்டங்களாக நடைபெற்ற உள்ளாட்சித் தேர்தலில் பதிவான வாக்குகளை எண்ணும் பணி இன்று காலை முதல் தொடர்ந்து நடைபெற்று வருகிறது. 244 மையங்களில் வாக்கு எண்ணிக்கை நடைபெற்று வருகிறது. முன்னிலை மற்றும் வெற்றி நிலவரங்கள் வெளியிடப்பட்டு வருகின்றன.

மாலை 4 மணி நிலவரப்படி :

6 மாநகராட்சிகளில் ஆளும் மார்க்சிஸ்ட் தலைமையிலான இடதுசாரி கூட்டணி 4 இடங்கள்; காங்கிரஸ் கூட்டணி 2 இடங்கள்
86 நகராட்சிகளில் இடதுசாரி கூட்டணி 35 இடங்கள், காங்கிரஸ் கூட்டணி 45 இடங்கள்; பாஜக கூட்டணி 2 இடங்கள்

14 மாவட்ட ஊராட்சிகளில் இடதுசாரி கூட்டணி 11 இடங்களிலும், காங்கிரஸ் 3 இடங்களிலும் முன்னிலை பெற்றுள்ளன

152 ஊராட்சி ஒன்றியங்களில் இடதுசாரி கூட்டணி 112 இடங்கள்; காங்கிரஸ் கூட்டணி 40 இடங்கள்

941 ஊராட்சிகளில் இடதுசாரி கூட்டணி 517 இடங்கள்; காங்கிரஸ் கூட்டணி 374 இடங்கள்; பாஜக 22 இடங்கள்

இவ்வாறாக வாக்கு எண்ணிக்கை நிலவரம் இருந்து வருகிறது. இதன்மூலம் கேரளா உள்ளாட்சி தேர்தலில் பினராயி விஜயன் தலைமையிலான ஆளும் இடதுசாரி கூட்டணி பெரும் வெற்றியை பெற இருப்பது உறுதி செய்யப்பட்டுள்ளது. காங்கிரஸ் – முஸ்லீம் லீக் கூட்டணி அங்கு இரண்டாம் இடத்தை பிடித்துள்ள நிலையில், பாஜகவுக்கு அங்கு படுதோல்வி பரிசாக கிடைத்துள்ளது.

மாநகராட்சி, நகராட்சி, பஞ்சாயத்து உள்ளிட்ட அனைத்து வகையான உள்ளாட்சிகளில் இடதுசாரிகள் தலைமையிலான கூட்டணி அமோக முன்னிலை வகித்து வருகிறது. இரண்டாவது இடம் காங்கிரசுக்கு. கடைசி இடம்தான் பாஜகவுக்கு கிடைத்துள்ளது. பாஜக மாநில தலைவர் சுரேந்திரன் மற்றும் முன்னாள் தலைவர் கும்மனம் ராஜசேகரன் ஆகியோர் மாநிலம் முழுக்க சுற்றுப்பயணம் செய்து, தேர்தல் பிரச்சாரம் செய்தனர்.

கேரளாவில் சபரிமலை விவகாரம், தங்ககடத்தல் விவகாரம் உள்ளிட்டவற்றை வைத்து முதல்வர் பினராயி விஜயனை கடும் விமர்சனம் செய்து பாஜக தலைவர்கள் பிரச்சாரம் செய்த நிலையில், அம்மாநில மக்கள் அதற்கு சிறிதும் மதிப்பளிக்கவில்லை என்பதையே தேர்தல் முடிவுகள் காட்டிகிறது என விமர்சகர்கள் கூறுகின்றனர்.

கேரளா எப்போதுமே பாஜகவுக்கு இடமளிக்காத மண் என்பது இந்த தேர்தல் முடிவுகள் மூலம் மீண்டும் ஒருமுறை நிரூபணம் ஆகியிருக்கிறது என்கின்றனர் அரசியல் பார்வையாளர்கள்.

LEAVE A REPLY

Please enter your comment!
Please enter your name here

spot_img

அதிகம் பகிரப்பட்டவை

spot_img

More like this
Related

2024 அதிரை எக்ஸ்பிரஸ் விருதுகள் : நீங்களே சொல்லுங்க யாருக்கு கொடுக்கலாம்.??

அதிரையில் உள்ள சாதனையாளர்களை வெளிக் கொண்டு வந்து அவர்களை ஊக்கப்படுத்தும் விதமாக...

நாம் தமிழர் கட்சிக்கு ஒலிவாங்கி(மைக்) சின்னம் ஒதுக்கீடு…!

மக்களவை தேர்தல் 2024 தேர்தலுக்கான பணிகளை பல்வேறு கட்சிகளும் முன்புறமாக செய்து...

அதிரை: தமிழ் நேசன் முகநூலில் அவதூறு – சைபர் கிரைம் நடவடிக்கை குற்றவாளியை நெருங்கும் போலிஸ்!

அதிராம்பட்டினத்தில் சமீப காலங்களாக முக நூலில் அவதூறு பரப்பும் தமிழ் நேசன்...

மரண அறிவிப்பு: A.சபுரா அம்மாள் அவர்கள்..!!

மேலத்தெருவை சேர்ந்த மர்ஹூம் T.K.காதர் முகைதீன் அவர்களின் மகளும், சிங்கப்பூர் மர்ஹூம்...