அதிரை இமாம் ஷாஃபி மெட்ரிக் மேல்நிலைப்பள்ளியில் குழந்தைகள் தினத்தை முன்னிட்டு சிறுவர்களுக்கான ரோல்லிங் டிராபி கால்பந்து தொடர் நேற்று நடைபெற்றது.
இத்தொடரில் அதிரை இமாம் ஷாஃபி பள்ளி அணி, காதிர் முகைதீன் பள்ளி அணி, AL பள்ளி அணி, பட்டுக்கோட்டை லாரல் பள்ளி அணி, பிருந்தாவன் பள்ளி அணி உள்பட 7 அணிகள் பங்குபெற்று விளையாடின.
இத்தொடர் போட்டிக்கு அதிரை இமாம் ஷாஃபி பள்ளி துணை தாளாளர் M.S. முகம்மது ஆஜம் தலைமை தாங்கினார். பள்ளி முதல்வர் மற்றும் துணை முதல்வர் முன்னிலை வகித்தனர். இதில் சிறப்பு விருந்தினராக பெற்றோர் ஆசிரியர் சங்க பொறுப்பாளர் முஹம்மது சலீம், அதிரை AFFA கால்பந்து அணியின் நிர்வாகிகள் அஹமது அனஸ், சேக் தம்பி ஆகியோர் சிறப்பு விருந்தினர்களாக பங்கேற்றனர்.
இத்தொடரின் இறுதி ஆட்டத்தில் மோதிய காதிர் முகைதீன் பள்ளி அணி, எதிர்த்து விளையாடிய பட்டுக்கோட்டை பள்ளி அணியை 1-0 என்ற கோல் கனக்க்கில் வீழ்த்தி வெற்றி பெற்றது. வெற்றி பெற்ற வீரர்களுக்கு கோப்பையும், சான்றிதழும் வழங்கி சிறப்பிக்கப்பட்டது.