Day: August 8, 2018

திராவிட முன்னேற்றக் கழகத்தின் முதுபெரும் தலைவரும் முன்னால் முதல்வருமான கலைஞர் கருணாநிதி நேற்று மாலை சிகிச்சை பலனின்றி காலமானார். அவரது மறைவையொட்டி பல்வேறு ஊர்களில் துக்கம் அனுசரிக்கப்பட்டு வருகிறது. அதே போல் அதிரை நகர திமு கழகத்தின் சார்பில் இன்று பேரூந்து நிலையத்தில் இருந்து கலைஞருக்கு இறுதி அஞ்சலி செலுத்தும் விதமாக பேரணி நடைபெற்றது. இந்த அமைதிப் பேரணியில் திமுக நிர்வாகிகள், முன்னால் பேரூர் தலைவர்,மகளிர் அணி, பொதுமக்கள் என அனைவரும் கலந்து கொண்டனர்.

திமுக தலைவர் கலைஞர் கருணாநிதி சிறுநீரக தொற்று மற்றும் ரத்த அழுத்தம் குறைவு காரணமாக சென்னை காவேரி மருத்துவமனையில் தீவிர சிகிச்சை பிரிவில் அனுமதிக்கப்பட்டார். அவ்வப்போது அவரின் உடல் நிலை தேறி வந்த நிலையில், நேற்று மாலை சிகிச்சை பலனின்றி காலமானார். இதனையடுத்து தமிழகம் முழுதும் கடைகள் அடைக்கப்பட்டு மறைந்த முன்னால் முதல்வருக்கு துக்கம் அனுசரிக்கப்பட்டு வருவது போல, அதிரையிலும் பெரும்பாலான கடைகள் அடைக்கப்பட்டு துக்கம் அனுசரிக்கப்பட்டு வருகிறது. இதனால் அதிரை நகரமும் வெறிச்சோடிய நிலையில் காணப்படுகிறது.