- Advertisement -
ரயிலில் பயணம் செய்யும் பயணிகளுக்கு உணவு வகைகள் மற்றும் அதன் விலை அடங்கிய ஆப் விரைவில் அறிமுகப்படுத்தப்படவுள்ளது என்று இந்தியன் ரயில்வே தெரிவித்துள்ளது. அதன்படி, வட மாநிலங்களில், சதாப்தி, ராஜ்தானி போன்ற ரயில்களில் டிக்கெட் முன்பதிவு செய்யும் பயணிகளுக்கு இலவச உணவு வழங்கப்படும். இந்த உணவு வகைகள் மற்றும் அதன் விலைகள் அடங்கிய விபரங்களை தெரிந்து கொள்ளும் விதமாக ”மெனு ஆன் ரயில்ஸ்” புதிய ஆப் ஒன்றை இந்தியன் ரயில்வேயின் உணவு மற்றும் சுற்றுலா கழகம் உருவாக்கியுள்ளது. இந்த ஆப் உருவாக்கப்பட்டு தற்போது சோதனை நிலையில் இருப்பதாகவும், விரைவில் பயன்பாட்டிற்கு வரும் என்றும் ரயில்வே அதிகாரிகள் கூறியுள்ளனர்.
