Thursday, March 28, 2024

நீட் தேர்வு முடிவுகள் இன்று மதியம் 2 மணிக்கு வெளியீடு- சிபிஎஸ்இ !!

Share post:

Date:

- Advertisement -

மருத்துவ படிப்பிற்கான நீட் தேர்வு முடிவுகள் இன்று மதியம் 2 மணிக்கு வெளியிடப்படும் என சிபிஎஸ்இ அதிகாரப்பூர்வமாக அறிவித்துள்ளது.

நாளை வெளியிடப்படும் என அறிவிக்கப்பட்டிருந்த நீட் தேர்வு முடிவுகள் ஒருநாளுக்கு முன்பாக இன்று வெளியிடப்படும் என சிபிஎஸ்இ தகவல் கூறியதாக மனிதவள மேம்பாட்டுத்துறை செயலர் அனில் ஸ்வரூப் ட்விட்டரில் தெரிவித்திருந்தார்.

தற்போது அதை உறுதி செய்து, இன்று மதியம் 2 மணிக்கு மருத்துவம், பல் மருத்துவம், கால்நடை மருத்துவம், இயற்கை மருத்துவம் உள்ளிட்ட மருத்துவ படிப்புகளுக்கான நீட் தேர்வு முடிவுகள் வெளியிடப்படும் என சிபிஎஸ்இ அதிகாரப்பூர்வ அறிவிப்பை வெளியிட்டுள்ளது.
மருத்துவ படிப்புகளுக்கு நீட் நுழைவுத் தேர்வு கடந்த 6ம் தேதி நடைபெற்றது. இந்தியளவில் நடைபெற்ற இந்த தேர்வில் தமிழகத்தில் 1.07 லட்சம் மாணவர்கள் உட்பட, நாடு முழுவதும் 13 லட்சம் மாணவர்கள் நீட் தேர்வை எழுதியுள்ளனர்.

இந்நிலையில், ஜுன் 5ம் தேதி நீட் தேர்வு முடிவுகள் வெளிவரும் என அறிவிக்கப்பட்டிருந்த நிலையில், ஒருநாளுக்கு முன்னதாக தேர்வு முடிவுகளை சிபிஎஸ்இ இன்றே வெளியிடுகிறது. முன்னதாக இந்த தகவலை மனிதவள மேம்பாட்டு துறை செயலர் அனில் ஸ்வரூப் ட்விட்டரில் தெரிவித்திருந்தார்.
மருத்துவ படிப்பிற்கான நீட் தேர்வு முடிவுகளை மாணவர்கள் www.cbseneet.nic.in என்ற இணையதளத்திற்கு சென்று தெரிந்துக்கொள்ளலாம் என சிபிஎஸ்இ தகவல் கூறியுள்ளது. திட்டமிட்ட நாளுக்கு முன்பாக நீட் தேர்வு முடிவுகள் வெளியிடுவதற்கான காரணங்கள் இதுவரை தெரியவில்லை.

சமீபத்தில் வெளியான 12ம் வகுப்பு தேர்வு முடிவுகளும் நேரம் குறிப்பிடப்படாமல் தான் வெளியானது. அதேபோல 10ம் வகுப்பு தேர்வு முடிவுகளும் அறிவிக்கப்பட்ட நேரத்திற்கு முன்னரே சிபிஎஸ்இ வெளியிட்டது. இதன்மூலம் சிபிஎஸ்இ திட்டமிடப்பட்ட காலத்திற்கு முன்பாக தேர்வு முடிவுகளை வெளியிட்டு, துரிதமாக செயல்பட்டு வருவது

தெரியவந்துள்ளது.

மருத்துவ படிப்பிற்கான நீட் தேர்வு முடிவுகள் சீக்கரமே வெளிவருவது மாணவ சேர்கைக்கான வழிகளை எளிமையாக்கும் என்று எதிர்பார்க்கப்படுகிறது. அதேபோல மருத்துவத்துறை படிப்பிற்கான மாணவ சேர்க்கை தொடங்கிய பிறகு தான், பொறியியல், சித்த மருத்துவம் போன்ற

படிப்புகளுக்கான மாணவ சேர்க்கை நடைமுறைகளும் தொடங்கும்.
இதனால் அறிவிக்கப்பட்ட தேதிக்கு முன்னரே நீட் தேர்வு முடிவுகள் வெளிவருவது நடப்பாண்டு தொழில்துறை படிப்பிற்கான மாணவர் சேர்கையை விரைவாக முடிக்க வழிவகுக்கும் என கருத்து  தெரிவித்துள்ளனர். இந்நிலையில் மருத்துவ படிப்பிற்கான மாணவ சேர்கைக்கான விண்ணப்ப தேதி தொடர்பான அறிவிப்புகள் நாளை வெளியாகும் எனவும், இம்மாத 4வது வாரத்தில் மருத்துவ படிப்பிற்கான கலந்தாய்வு தொடங்கும் என தகவல்கள் தெரிவிக்கின்றன.

LEAVE A REPLY

Please enter your comment!
Please enter your name here

spot_img

அதிகம் பகிரப்பட்டவை

spot_img

More like this
Related

2024 அதிரை எக்ஸ்பிரஸ் விருதுகள் : நீங்களே சொல்லுங்க யாருக்கு கொடுக்கலாம்.??

அதிரையில் உள்ள சாதனையாளர்களை வெளிக் கொண்டு வந்து அவர்களை ஊக்கப்படுத்தும் விதமாக...

நாம் தமிழர் கட்சிக்கு ஒலிவாங்கி(மைக்) சின்னம் ஒதுக்கீடு…!

மக்களவை தேர்தல் 2024 தேர்தலுக்கான பணிகளை பல்வேறு கட்சிகளும் முன்புறமாக செய்து...

அதிரை: தமிழ் நேசன் முகநூலில் அவதூறு – சைபர் கிரைம் நடவடிக்கை குற்றவாளியை நெருங்கும் போலிஸ்!

அதிராம்பட்டினத்தில் சமீப காலங்களாக முக நூலில் அவதூறு பரப்பும் தமிழ் நேசன்...

மரண அறிவிப்பு: A.சபுரா அம்மாள் அவர்கள்..!!

மேலத்தெருவை சேர்ந்த மர்ஹூம் T.K.காதர் முகைதீன் அவர்களின் மகளும், சிங்கப்பூர் மர்ஹூம்...